Қазақстандық теннисші Елена Рыбакина Мельбурнда өтіп жатқан Australian Open – 2023 турнирінің жартылай финалына шықты. Отандасымыз ширек финалда латвиялық спортшы Елена Остапенконы жеңді.
Жерлесіміз қарсыласын екі сетте ұтты. Ойын 1 сағат 21 минутқа созылды. Қазақстанның бірінші, әлемнің 25-ракеткасы Елена Рыбакина жартылай финалда Джессика Пегула (АҚШ) және Виктория Азаренко (Беларусь) арасындағы ойынның жеңімпазымен кездеседі.