Кәрім
Мәсімов Кенесары хан мен Кейкі батырдың басын қайтару мәселесін Ресейдің Үкімет
басшысы Дмитрий Медведевпен талқылады. Бұл туралы Премьер-министр сайтында
хабарланды. Дмитрий Медведев бұл
мәселені анықтап, шешу үшін қажетті тапсырмалар беретінін айтты.
Бұдан
бұрын Кәрім Мәсімов ұлт-азаттық қозғалысының қолбасшылары қырғыз манаптары мен
қызыл әскердің қолынан қаза тапқан батырлардың басын елге қайтаруды көтеретінін
твиттердегі парақшасында жазған еді.
Сондай-ақ,
ресейлік әріптесімен кездесу кезінде Кәрім Мәсімов Астанада өтетін XIII
Аймақаралық ынтымақтастық форумына қатысты мәселелерді де талқылады. Атап
айтқанда, Батыс Еуропа - Батыс Қытай тәрізді ірі көлік жобаларын жүзеге асыру
барысы сөз болды. Жайық трансшекаралық өзеніне қатысты тақырыпқа баса назар
аударылды. Премьер-министр бұл мәселе бойынша үкіметаралық келісімге қол қоюды
ұсынды.
Мөлдір БАҚЫТҚЫЗЫ