Бұл жағдай Сырым ауданындағы Қосарал ауылында болды. Мал иесі бірнеше күн бұрын туған бұзаудың басқа төлдерден ерекше екенін байқапты. Яғни, бұзауда екі бас біріге орналасқан. Төлдің екі маңдайы, екі тұмсығы бар. Екі басты бұзау ауылдықтарды да бір дүрліктіріпті. Бірақ елді шулатқан бұзау бір күн бұрын өліп қалды. Мамандар мұндай ауытқушылықпен туған төлдің ғұмыры ұзаққа созылмайтынын айтады.