Иранда оқ-дәрі өндіретін зауытта жарылыс болды. Билік өкілдері жарылыс болғанын растады, деп хабарлайды Астана телеарнасы Анадолы агенттігіне сілтеме жасап.
Агенттіктің хабарлауынша, жарылыс Иранның Исфахан қаласындағы оқ-дәрі өндіретін зауытында болған. Иран мемлекеттік телеарнасы Исфахандағы әскери нысанда күшті жарылыстың даусы шыққанын хабарлады. Хабарламаға сәйкес, жарылыс оқ-дәрі зауытында болған. Билік өкілдері жарылыс болғанын растады. Әкімшілік өкілдерінің мәліметінше, құрбан болғандар жоқ.