Атырауда «Адам өлтіру» бабымен жазасын өтеген әйел бостандыққа шықты. Оны түрме алдында туған-туыстары күтіп алды. Әйелдер колониясының мамандары «Қақпа алдында кездесу» ұйымдастырып, бостандықтағы құқықтарын түсіндірді. Темір қапастан босаған кезде туындайтын басты мәселе : қоғамға бейімделу, жұмысқа орналасу, кәсіпті толықтыру және тұрағы жоқ адамдарға арналған бейімделу орталығына орналасу. Мамандар екінші рет жаза баспау үшін әлеуметтік бейімдеу және әлеуметтік оңалту шараларын жан-жақты түсіндірді.