Франция сенаты ереуілдер мен наразылықтар тудырған зейнетақы реформасын мақұлдады. Заң жобасында 2030 жылға қарай зейнет жасын 62-ден 64-ке дейін ұлғайту көзделген, деп хабарлайды ҚазАқпарат РБК агенттігіне сілтеме жасап.
Франция сенаты зейнетақы реформасы туралы заң жобасын толығымен мақұлдады. Оған 195 адам оң, 112 адам қарсы дауыс берді. Дауыс беру нәтижесін премьер-министр Элизабет Борн Twitter-де жариялады.
«Сенат жүздеген сағаттық пікірталастардан кейін зейнетақы реформасының заң жобасын қабылдады. Бұл зейнетақы қорының болашағын қамтамасыз ететін реформалардағы шешуші қадам. Алдағы бірнеше күнде оны қабылдауға толық дайынмын», - деп жазды ол.
Заң жобасында 2030 жылға қарай зейнет жасын 62-ден 64-ке дейін ұлғайту көзделген. Үкімет бұған дейін зейнет жасын 65 емес, 64-ке дейін төмендетуге келісіп, барлығына 1200 еуро көлеміндегі ең төменгі зейнетақыны уәде еткен болатын.