«Шетелден арзан бағамен алтын». Дәл осы ұсыныспен Түркістан облысының 39 жастағы тұрғыны өзінің Instagram желісіндегі парақшасында тұтынушыларды қызықтырған. Сонымен қатар, ол зергерлік бұйымдардың фотосуреттерін және олардың астындағы жалған оң пікірлерді күнделікті жариялау арқылы азаматтардың сеніміне кірген. Келтірілген жалпы шығын көлемі 1 млн. теңгеден асты.