«Семей орманы» табиғи резерватының 3 басшысы қылмыстық топқа қатысқаны және кәсіпкерлерден пара алғаны үшін 10 жылға сотталды. Мемлекеттік мекеменің басшылары ұйымдасқан қылмыстық топқа қатысуға және кәсіпкерлерден жүйелі негізде 700 мыңнан 13 млн теңгеге дейін пара алды деп айыпталған. Барлық сотталғандар өмiр бойы мемлекеттiк қызметте, жергiлiктi өзiн-өзi басқару органдарында, қаржы ұйымдарында және квазимемлекеттiк секторда қызмет атқару құқығынан айырылды.
ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ БАСПАСӨЗ ҚЫЗМЕТІ:
«Семей Орманы» басшылары резерват аумағында орманды санитарлық тазартуға және кесуге рұқсат бергені үшін, мемлекеттік сатып алу жөніндегі шарттарға кедергісіз қол қойғаны үшін, сондай-ақ жалпы қамқорлығы үшін лауазымды тұлғаларға заңсыз сыйақы берді. Резерваттың үш басшысы да 10 жылға сотталды, бес пара беруші пара бергені үшін кінәлі деп танылды және 1,5 жылдан 3,5 жылға дейін бас бостандығынан айырылды.