Қазақстандық кәсіби боксшы Данияр Елеусінов АҚШ-тың Флорида штатындағы жаттығу залына еліміздің туын іліп қойды. Бұл туралы KAZ.NUR.KZ хабарлайды.
Боксшының көк байрақты іліп жатқаны туралы видео желіде пайда болды. Танымал америкалық бапкердің қоластында жаттығатын спортшылар өз елдерінің туларын қабырғаға іле бастаған. Олардың қатарында Рио Олимпиадасының чемпионы да бар. Айта кетелік, аталған зал америкалық бапкер Бадди Макгритке тиесілі. Ол Жәнібек Әлімханұлымен бірге жұмыс істеу арқылы қазақ жанкүйерлеріне танылды. Ал Данияр Елеусіновтің мансабында әзірге үзіліс орнады. Ол өз менеджерлерін сотқа бергелі жатыр.