ҚР Төтенше жағдайлар министрі Абай облысындағы өртпен күреске Алматы қаласынан, Алматы, Жетісу және Қарағанды облыстарынан қосымша күштер мен құралдар бөлді, деп хабарлайды ҚазАқпарат.
ҚР Төтенше жағдайлар министрлігі баспасөз қызметінің хабарлауынша, Қызылорда облысынан 1 тікұшақ жіберілетін болады.
Қазіргі уақытта өртті сөндіруге ТЖМ, Орман шаруашылығы комитетінен, ЖАО және Қорғаныс министрлігінен 800-ге жуық адам, шамамен 200-техника жұмылдырылған.
«8 тікұшақ тартылды. Өрт ошақтарына әуеден 99 рет жалпы көлемі 275,5 тонна су төгілді»,-делінген хабарламада.