Румыниядағы сұйытылған газ станцияларының бірінде қуатты жарылыс болды,-деп хабарлайды Қазақстан Телеарнасы.
Оқиға ел астанасы Бухарестке жақын маңдағы Креведия қаласында болған.
Соңғы мәліметтерге қарағанда, жойқын апаттан 1 адам қаза тауып, 57 адам жараланған. 3 мыңнан аса тұрғын эвакуацияланды.
Жергілікті бұқаралық ақпарат құралдарының мәліметінше, екі газ цистернасын өрт шарпыған. Салдарынан бірінен соң бірі, қос бірдей қуатты жарылыс болған.