Атырау облысындағы Сүйіндік ауылының маңында малшы зымыран снарядын тауып алды. Бұл туралы Stan.kz ақпарат агенттігі хабарлайды.
снаряд
Снаряд 24 қыркүйекте мал жаю кезінде табылған.
"Атырау облысында Құрманғазы ауданы Сүйіндік ауылынан 3 шақырым жерде зымыран снарядының конус пішіндес корпусы табылды", – делінген хабарламада.
Әзірге снарядтың атауы мен техникалық сипаттамасы анықталып жатыр. Құрманғазы аудандық полиция бөлімінің қызметкерлері тергеу бастаған.
Айта кетейік, Атыраудан полиция департаменті "Арлан" арнайы бөлімінің саперлері оқиға орнына аттанды.
Сүйіндік ауылдық округінің әкімі Данияр Сабыровтың сөзінше, құзырлы органдарға хабар берілген, снаряд табылған орын қоршалыпты. Зардап шеккендер жоқ.