Астана қаласының денсаулық сақтау басқармасы “Ирина Кайратовна” тобының 21 жастағы мобилографы өліміне қатысты пікір білдірді. Бұл туралы Stan.kz ақпарат агенттігі Tengrinews.kz сайтына сілтеме жасап хабарлайды.
Мобилографтың өліміне не себеп болғаны айтылды.
“14 қазанда Жылқайдаров Шахназдың денесі сот-медициналық сараптама жүргізу үшін сот сараптамалары институтына жеткізілді. Өлімге өткір геморрагиялық панкреонекроз себеп болуы мүмкін. Яғни панкреатиттен асқынған ұйқы безі ауруы", – деп мәлімдеді әкімдік.
Өлімнің нақты себебі токсикологиялық зерттеу нәтижелерін алғаннан кейін белгілі болады. Зерттеу деректері екі аптаға дейін жүргізіледі.
"Ирина Кайратовна" тобының мобилографы сенбіде Астанадағы концерт кезінде кенеттен мерт болды. Жігіт концерт басталғанға дейін кенеттен есінен танып қалған.