Зардап шеккен кеншілерге медициналық көмек көрсету үшін Астанадан арнайы дәрігерлер тобы аттанды. Бұл туралы Денсаулық сақтау министрлігі мәлімдеді,-деп хабарлайды Қазақстан Телеарнасы.
Қарағандыға жөнелтілген дәрігерлер тобының құрамында токсиколог, травматолог-ортопед және нейрохирург бар.
Зардап шеккен кеншілердің өміріне араша түсіп, денсаулығын сақтау үшін саланың үздік мамандары жұмылдырылған. Жоғары дәрежелі дәрігерлер барлық қажетті медициналық көмек көрсетуге дайын.