Бүгін – Халықаралық волонтер күні. Президент Қасым-Жомарт Тоқаев еріктілерді мерекемен құттықтады. Мемлекет басшысы өзгеге қол ұшын созатын жандарды құрметтейтінін айтып, алғыс білдірді. Олардың қызметін отаншылдықтың көрінісіне балап, мемлекет волонтерларды қолдайтынын жеткізді.
Қасым-Жомарт ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
Еріктілер мейірімділік пен сүйіспеншіліктің, тілектестік пен жауапкершіліктің озық үлгісін көрсетіп келеді. «Адал азамат» тұжырымдамасының тірегі – осы мызғымас құндылықтар. Қоғамға пайдалы іс-шараларға атсалысатын, қайырымдылық жобаларын жүзеге асыратын және мұқтаж адамдарға қамқорлық танытатын барша азаматтарға алғыс айтамын. Сіздердің жасампаздыққа толы қызметтеріңіз – шынайы отаншылдықтың көрінісі.