Ұлттық қауіпсіздік комитеті прокуратураның үйлестіруімен кеше Шымкент қаласында терроризмді насихаттау бойынша күдікке ілінген Түркістан облысының тұрғыны ұсталды.Бұл туралы Stan.kz ақпарат агенттігі хабарлайды.
Тергеу материалдары бойынша ол террористік топтар құрамында ұрыс іс-қимылдарына қатысу үшін Сирияға кетуді жоспарлаған.
Қылмыстық кодекстің 256-бабы бойынша оған қатысты қылмыстық істі тергеп-тексеру жұмыстары жүргізіліп жатыр.
ҚР Қылмыстық-процестік кодекстің 201-бабы 1-бөлігіне сәйкес өзге ақпараттар жарияланбайды.
Бұған дейін лаңкестермен бірге Сириядағы соғысқа қатысты деген күдікке іліккен Қазақстан азаматы Ыстамбұлдан Алматыға жеткізілген еді.
Ұсталған азамат сот санкциясымен қамауға алынды.