Самара - Шымкент тас жолының бойындағы Өлке ауылының маңында LADA Largus және Toyota Estima көліктері соқтығысты. Оқиға орнында түсірілген видео желіде тарап жатыр, - деп хабарлайды Massaget.kz.
Облыстық полицияның мәліметінше, жол апаты 13 наурызда болған.
Жол қозғалысы ережесін бұзғаны үшін екі көліктің де жүргізушісі 12 және 13 наурызда әкімшілік жауапкершілікке тартылғаны белгілі болды.
"13 наурызда Самара – Шымкент тас жолында LADA Largus және Toyota Estima көліктері соқтығысты, салдарынан екі көліктің жүргізушісі мен алты жолаушысы түрлі дене жарақатымен медициналық мекемеге жатқызылды", - делінген Ақтөбе облысының полициясы таратқан хабарламада.