Алматыда топырақ үйіндісі жер үйлердің бірін басып қалды. Бұл туралы Azattyq Ruhy ҚР ТЖМ баспасөз қызметіне сілтеме жасап хабарлайды.
Ведомство мәліметінше, 22 наурызда Медеу ауданында жеке тұрғын үй учаскесінде батпақтану салдарынан үйінді топырақтың түскені туралы хабарлама келіп түсті. Зардап шеккендер жоқ. Үй иесі зақым келген үйдің 2023 жылы салынғанын айтты.
Балшық массасын тазарту аудан әкімдігінің және «Қазселденқорғау» күштерімен жүргізіледі. Сағат 14:00 жағдай бойынша жұмыстар аяқталып, жолдар тазартылды.
«Айта кетейік, таулардың беткейлеріне үй салу, жолдарды кесу, таулардың беткейлерінде жоспарлау жұмыстарын жүргізу ұсынылмайды. Ағып жатқан кәріздерді, дәретханаларды және басқаларын пайдалануға тыйым салынады. Тұрғын үй иелеріне, алаптарының басшыларына, бау-бақша және саяжай қоғамдарының басшыларына суару құбырлары мен септиктерге тұрақты бақылауды қамтамасыз ету ұсынылады. Судың жиналуына жол бермеңіз, сондай-ақ нөсер және еріген сулардың төгілуін қамтамасыз етіңіз», - делінген ҚР ТЖМ хабарламасында.