Ресейдің Свердлов облысындағы «Калинская» шахтасында екі кенші үйінді астында қалып қойды. Бұл туралы Северуральск боксит кенішінің (СУБР) баспасөз қызметі хабарлады, деп жазады KAZINFORM.
«Тау жынысы опырылуы салдарынан «Калинская» шахтасында апат болып, екі кенші үйінді астында қалды. Олар сигнал беріп жатыр», - деп хабарлады компания.
Кейінірек Төтенше жағдайлар министрлігінің облыс бойынша баспасөз қызметі құтқарушылардың басып қалған кеншілердің біріне жеткенін хабарлады.
«Жедел ақпаратқа сәйкес, тау-кен құтқарушылары зардап шеккендердің біріне жетіп, оның жолын ашып жатыр», - деп хабарлады баспасөз қызметі.
Оқиға орнына әскерилендірілген тау-құтқару жасағының екі бөлімі келді. Құтқару жұмыстары жалғасып жатыр.
«Североуральск прокуратурасы тау-кен жұмыстарын жүргізу кезіндегі қауіпсіздік талаптарының, сондай-ақ шахтадағы тау жыныстарының жарылуына байланысты еңбекті қорғау заңнамасының сақталуына тексеру ұйымдастырды. Оны жүзеге асыруға басқа қадағалау органдарының мамандары тартылады», - деп хабарлады департаменттің баспасөз қызметі.