Тайваньдағы жер сілкінісінен құтқару істері жүзеге асырылып жатыр. Елдегі жер сілкінісінен кейінгі оқиғалар туралы Bugin.kz BBC агенттігіне сілтеме жасап хабарлайды.
Тайваньда жергілікті уақыт бойынша таңғы 07:58-де 7,7 балдық зілзала болған. Артынша 6,6 балдық жер сілкінісі қайталанып, шығысқа қарай 5,4 балдық төрт зілзала болғанын хабарлады.
Қазір қаза тапқандар саны артып жатыр. Зардап шеккен ғимараттардан адамдарды құтқару операциялары жүзеге асырылып жатыр.
Тайвань үкіметі жер сілкінісінен тоғыз адамның қаза тапқаны туралы соңғы мәлімет берді.
Чиу-юэ Хсу - мейрамхана кеңсесінің қызметкері, ол жер сілкінісі болған кезде өз жұмыс күнін бастау үшін үстеліне отырды. Осы сәтте сұмдық оқиға орын алған.
“Мен бірден үстелімнің астына тығылдым, содан кейін сыртқа шығуға тырыстым”, - деді 50 жастағы азамат BBC-ге. “Бірақ мен қатты дірілдегенім сонша, әрең жүрдім”.
"Мен қатты қорықтым, енді аяғым мені басқара алмайтындай күйде болдым. Тірі қалмаймын деип ойладым. Әріптестерім мені сыртқа тартып шығарып аман қалдым",-деп қосты.
Сюй шаң-тозаңды сипаттады, ол және оның әріптестері ғимараттан шықпақ болған кезде, олардың алдындағы тағы бір ғимараттың жартылай құлағанын түсінді.
“Бірінші қабат бұзылған”, - деп қосады ол. “Мен сол ғимараттың жоғарғы қабаттарындағы адамдардың терезелерге ұмтылып жатқанын көрдім, олардың дәл қазіргі ахуалын, өлі яки тірі екенін білмеймін”,-деді ол.