Алматы қаласының әкімдігі «Алматы — біздің ортақ үйіміз» акциясы аясында «Өз қоршауыңды/орындығыңды/беседкаңды боя» іс-шарасын өткізетіні туралы хабарлады.
Акция үй маңындағы аумақтың эстетикалық мазмұны мен жеке тұрғын үйлердің қоршауын жақсартуға бағытталып отыр.
Әкімдіктің хабарлауынша, іс-шараға қаланың барлық тұрғындары қатыса алады.
«Ниет танытқан азаматтарға қоршауды, қақпаны бояуға арналған бояулар мен еріткіштер тегін беріледі. Ол үшін аудандық абаттандыру бөліміндегі жауапты тұлғаға жүгіну қажет. Лак-бояу материалы тегін беріледі. Ескеретін жайт: бір қолға 2 келіден аспайтын бояу беріледі» - делінген хабарламада.