Биыл олимпиада ойындарына арнайы ақша бөлінген жоқ. Спортшылар жарысқа қалған-құтқан теңгемен баруға мәжбүр. Спорт және туризм министрі Ермек Мыржықпаев қазір жағдай мәз емес, - дейді. Бірақ соған қарамастан қатысушылардың формасын испаниялық компания тігеді. Ал, оның ақысын қазақстандық демушілер төлейді. Париж олимпиадасында ұлттық құрама 20 спорт түрі бойынша бақ сынамақ.
Ермек МАРЖЫҚПАЕВ, ҚР СПОРТ ЖӘНЕ ТУРИЗМ МИНИСТРІ:
Қазіргі уақытта спорттың 13 түрі бойынша 33 лицензия бар. Бізден бәрі қанша жүлде алатынымызды сұрайды. Шыны керек, жағдайымыз мәз емес. Өйткені Токио Олимпиадасының алдында бізде 45 лицензия болған. Сондай жұмыстарымыз болып тұр. Ұлттық құрама Олимпиадаға дейін тағы 40-тан астам лицензиялық және рейтингтік жарыстарға қатысады. Қолдан келгенді жасап жатырмыз.
Елімізде өтетін көшпенділер ойынының да дайындығы мәз емес. Қаланың бірде-бір жерінде жарнамасы көрінбейді. Маркетинг дамымаған. Тіпті, ашылу, жабылу салтанатына билет алу мүмкін емес. Сайт ашылғалы жұмыс істемейді, - дейді депутаттар. Негізі дүниежүзілік шараға 100-ден аса мемлекет қатысады деп жоспарланған. Оның 75-і ресми түрде тіркелді.
Дәулет МҰҚАЕВ, ҚР ПАРЛАМЕНТІ МӘЖІЛІСІНІҢ ДЕПУТАТЫ:
Сіздер аялдамаға бір жазу іліп қойғансыздар, мүлде түсініксіз. Оны мына автобус күтіп тұрған кезде жазулары мүлде келмейді, көзге түспейді. Не ойын екені түсініксіз. Дүниежүзілік деңгейде өтіп жатқаннан кейін әрі 100 елден келеді дейсіз. 100 елден келеді дегенге де менің күмәнім бар.