Мәжіліс отырысының кулуарында сауда және интеграция вице-министрі Қайрат Төребаев министрлік түскен ескертулерді мұқият қадағалап отырғанын айтты. Бұл туралы Stan.kz ақпарат агенттігі хабарлайды.
"Мәселе мынада: ережеге сай, біз алдымен петицияның нәтижесін күтуіміз керек. Содан кейін барып іске көшеміз. Қазір бұл туралы сөз қозғау ерте. Әзірге біз министрліктің басқа мемлекеттік органдармен бірлесіп қабылдаған ресми ұстанымын ұстанамыз", - деді вице-министр журналистердің сұрақтарына жауап бере отырып.
Қайрат Төребаевтың айтуынша, петиция бойынша шешім биылғы жылдың желтоқсан айында қабылданады.
"Біз бұл мәселені барлық мемлекеттік органдармен бірлесе қарайтын боламыз. Желтоқсан айында шешілетін мәселені гипотетикалық түрде талқылайтын боламыз. 50 мың дауыстың сыни массасына қол жеткізген жағдайда, жұмыс үкімет ішінде қайтадан қаралады", – деді Қайрат Төребаев.
Айта кетейік, уақыт белдеуі ауысқаннан кейін eGov жүйесінде біраз қазақстандықтардың жасы ұлғайған. Кейбір қазақстандықтар қызықты өзгерістерге тап болды - олардың электронды құжаттарында туған күні өзгерді. Сонымен қатар, кейбіреулердің жеке куәлігінде, жүргізуші куәлігінде немесе төлқұжатында өзгерістер пайда болды.