Папуа-Жаңа Гвинеядағы қатты лай көшкінінен 670-тен астам адам көз жұмған болуы мүмкін. Бұл туралы БҰҰ-ның Халықаралық көші-қон ұйымы хабарлады, оның мәліметтері бойынша 150-ден астам үй үйінділердің астында қалды, деп хабарлайды Azattyq Ruhy Euronews-ке сілтеме жасап.
«Қазіргі уақытта жер астында 670-тен астам адам бар деп есептеледі», - деді ұйымның елдегі миссиясының жетекшісі Серхан Актопрак жергілікті биліктің мәліметтеріне сілтеме жасай отырып.
Бастапқыда билік лай көшкіні 60-қа жуық үйді басты деп есептеді, бірақ кейінірек олардың саны әлдеқайда көп болды. Үйінділердің тереңдігі алты-сегіз метрді құрайды.
Жергілікті бұқаралық ақпарат құралдарының хабарлауынша, ел астанасы Порт-Морсбиден солтүстік-батысқа қарай 600 шақырым жерде орналасқан Энга провинциясындағы Каракалам елдімекенінде 300-ге жуық адам үйінді астында қалған.
Папуа-Жаңа Гвинеядағы жедел жәрдем қызметкерлері зардап шеккендерді қауіпсіз жерлерге жеткізуде. Қазіргі уақытта билік халықаралық қауымдастықтан көмек сұрау керек пе, жоқ па, соны шешуде.