Мәскеуде қатты дауыл соғып, екі адам қаза тапты. Синоптиктер желдің күші 10 баллға дейін жеткенін айтады, деп хабарлайды inbusiness.kz сайты.
Бұл – жоғары деңгей. Сағатына 90 шақырым жылдамдықпен жүйткіген жел үйлердің шатырын ұшырған. 700-дей ағашты жұлып әкеткен. 300-ге жуық көлік бүлінді. Қалада саябақтар мен мейрамханалардың жазғы алаңдары жабылды.
Жергілікті ақпарат құралдарының жазуынша, әзірге ұшақтар ұшып жатыр. Бірақ кейбір рейстер бағытын өзгерткен.