Азиядағы ең бай адам Мукеш Амбанидің ұлы әлемнің түкпір-түкпірінен жұлдыздар мен саясаткерлерді жинап той жасады. Бұл туралы Stan.kz ақпарат агенттігі Associated Press порталына сілтеме жасап хабарлайды.
29 жастағы Анант Азиядағы ең бай адам Мукеш Амбанидің кіші ұлы. Ол Үндістанның алып фармацевтикалық Encore Healthcare негізін қалаушылардың қызы Радхикамен үйленді
CNN мәліметінше қонақтар арасында атақты Ким мен Хлои Кардашян, әнші Ник Джонас, Ұлыбританияның бұрынғы премьер-министрі Тони Блэр, Болливудтың көптеген жұлдыздары және Үндістанның бұрынғы президенті Рам Натх Ковинд болды.
Амбани өздерін мәртебесін британдық корольдік әулетпен теңестіре отырып той жасаған. Үйлену тойының жалпы шығындары жүздеген миллион долларға бағаланған. Мұндай сән-салтанат тіпті Үндістанда бұрын соңды болмаған.
"Олар Үндістандағы осындай масштабта мереке жасайтын жалғыз отбасы. Мұнда ешкімде мұндай күш пен әлеуметтік капитал жоқ", - делінген басылым жазбасында.
Мукеш Амбани 2002 жылы әкесінен Reliance Industries мұнай холдингін мұра еткен. Бірлестік Үндістандағы ең ірі жеке корпорация болып саналады. Холдингтің құрамына әлемдегі ең ірі ұялы байланыс операторларының бірі – Jio компаниясы кіреді. Forbes Амбанидің жалпы байлығын 123,7 миллиард долларға бағалайды. 2023 жылдың қорытындысы бойынша журнал кәсіпкерді миллиардерлер рейтингінде тоғызыншы орынға қойды.