Алматы қаласы Түрксіб ауданында автобус жеке үйдің қоршауына соғылды. Қоршаумен бірге газ құбырына зақым келген. Әлеуметтік желіде тараған видео авторы, 32-ші автобус жүргізушісінің мас күйде болғанын айтады. Оқиғадан зардап шеккендер жоқ. Қалалық полиция департаменті тиісті сараптамалар тағайындалғанын жеткізді.
Салтанат ӘЗІРБЕК, АЛМАТЫ ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:
Аталмыш жол көлік оқиғасы таңғы уақытта Түрксіб ауданында орын алды. Бұл дерек ресми түрде тіркеліп, тиісті сараптамалық зерттеулер тағайындалды. Жол-көлік оқиғасының басқа да мән-жайлары анықталуда.