Президент Нұрсұлтан Назарбаев барша халыққа алғыс айтты. Елордада өткен Қазақстан халқы ассамблеясының форумында Мемлекеттік хатшы Гүлшара Әбдіқалықова Елбасының Алғыс айту күніне орай құттықтау сөзін оқып берді. «Алғыс айту күні - жақында пайда болған ерекше күн. Ол мейірімділік, бір-біріне көмек пен өзін-өзі құрбан ету сынды адамның асыл қасиеттері көрініс тапқан алмағайып заманды еске салады»,- делінген құттықтау хатта.
Нұрсұлтан
Назарбаев, Қазақстан Республикасының Президенті:
Мен
тәуелсіз елімізді бірлесе құрып жатқан Қазақстан халқына ынтымағы мен
ерік-жігері үшін алғыс айтамын. Қайырымдылық пен өзара көмек көрсету дәстүрінің
одан әрі нығая түсетініне сенімдімін. Алғыс айту күнімен баршаңызды шын
жүректен құттықтаймын! Барлықтарыңызға бақыт, отбасыларыңызға игілік, достық
пен өсіп-өркендеу тілеймін!