Елордада кекушинкай каратэден бірінші Азия чемпионаты басталды. Байрақты бәсекеде 20-дан астам елдің спортшылары бақ сынайды. 550-ге жуық саңлақ аталған спорттың «кумите», «ката», «тамашевари» бағыттары бойынша өзара кім мықтыны анықтайды. Жүзден жүйрік шыққандар арнайы медальдармен, дипломдармен және кубоктармен марапатталады.
Еділ ЖАҢБЫРШИН, ҚР ПАРЛАМЕНТІ МӘЖІЛІСІНІҢ ДЕПУТАТЫ, "AMANAT" ФРАКЦИЯСЫНЫҢ МҮШЕСІ:
Біздің спортшылар әлемдегі ең мықты спортшылар болды, осы түрден. Ойлаймыз, біздің көптеген спортшыларымыз осы біріншілікте чемпион болады деп. Әр спортшы осы жерге, әр сайысқа чемпион боламын деп келеді ғой. Ең бастысы, әділ төрелік өтіп, біздің спортшыларымыз өзінің таза жеңісімен жетістіктерге жетсе екен деген тілек.