Қазақстан Республикасы Ауыл шаруашылығы министрлігінің ветеринариялық бақылау және қадағалау комитеті шілде айының басында малдың қырылуы тіркелген "Санжар-Т" шаруа қожалығындағы жағдай туралы хабарлады.
Бүгін, 1 тамызда, зертханалық зерттеулер шөпте алкалоидтардың жоғары құрамының бар екенін растап, малдың улану себебін анықтады.
"Ерекше қауіпті ауруларға жүргізілген зерттеулердің нәтижелері теріс болып, жануарлардың өлімінің инфекциялық себептерін жоққа шығарады. Алдағы шығындардың алдын алу үшін шаруа қожалығының басшысы ветеринариялық қызметпен бірлесе отырып, барлық қажетті эпизоотияға қарсы шараларды қабылдады", - деп хабарлады Ауыл шаруашылығы министрлігінің ветеринариялық бақылау және қадағалау комитеті
Белгіленген жоспарға сәйкес вакцинация және диагностикалық іс-шаралар жүргізілді.
Ірі қара малдың жағдайын бақылау күн сайын жүзеге асырылып, эпизоотиялық жағдай мамандардың бақылауында.