Ливанда электр қуатын өндіруге және таратуға маманданған Électricité du Liban мемлекеттік кәсіпорны сенбі күні бүкіл елде, соның ішінде Бейрут әуежайы мен портында электр қуатының жаппай үзілгенін хабарлады, деп жазады Анадолы, - деп жазды KAZINFORM
Électricité du Liban (Ливан электр энергиясы) мәлімдемесінде Ливанның оңтүстігінде орналасқан және елді электрмен қамтамасыз ететін Захранидегі соңғы жұмыс істеп тұрған электр станциясы жанармай тапшылығына байланысты істен шыққан. Бұл бүкіл елде электр энергиясының толық сөндірілуіне әкелді.
Электр қуатының үзілуі Рафик Харири халықаралық әуежайы, Бейрут порты, түрмелер, кәріз жүйелері мен сорғы станциялары сияқты негізгі нысандарға да әсер етті.
Компания алған отын мөлшеріне сәйкес жұмысын және «электрмен жабдықтауды біртіндеп қалпына келтіретінін» айтты.
Соңғы бірнеше жылда үкіметтің қаржылық қиындықтарына байланысты Ливанда электр қуатының үзілу жиілігі айтарлықтай артты, соның салдарынан отын импортын валютамен қамтамасыз ету мүмкін болмады.