Синоптиктер Қазақстанның алдағы үш күнге – 2024 жылғы 3-5 қыркүйекке арналған ауа райы болжамымен бөлісті, деп хабарлайды Zakon.kz.
Алдағы үш күнде республиканың батысы мен оңтүстігінде ауа райы басым жауын-шашынсыз болады деп күтілуде.
"Қазақстанның басым бөлігінде тұрақсыз ауа райы сақталады, жаңбыр жауып, найзағай ойнайды, республиканың солтүстігі мен шығысында кей жерлерде қатты жаңбыр жауады. 3 қыркүйекте түнде жауын-шашын (жаңбыр, қар) күтіледі. Республиканың шығысында түнде және таңертең солтүстік және шығыс облыстарда желдің күші артып, тұман, топырақ бетінде -2°C дейін аяз болады".