Астанада өтіп жатқан Дүниежүзілік көшпенділер ойындарының жабылу рәсімі көрерменсіз өтетін болды, деп хабарлайды Azattyq Rýhy Prosports.kz-ке сілтеме жасап.
Жабылу салтанатын қазақстандық телеарналардан тікелей эфирде көруге болады.
«Жабылу рәсімі тек қатысушыларға арналған және көрермендерсіз өтеді», – деп мәлімдеді ұйымдастырушылар.
Естеріңізге сала кетейік, Дүниежүзілік көшпенділер ойындары аясында спортшылар 21 ойын түрі бойынша бақ сынап жатыр. Көшпенділер ойындарына әлемнің 89 елінен 2500-ге жуық адам жиналған.