Тышқандар самса жеп жүр. Әлеуметтік желідегі бұл видео Көкшетаудағы дүңгіршектің бірінде түсірілген. Онда тышқанның самсаны аралап, емін-еркін жүгіріп жүргенін көруге болады. Қаланың автовокзал ауданында орналасқан дүңгіршектен енді адамдар тамақ алмаймыз деп шулап жатыр.
АҚМОЛА ОБЛЫСЫНЫҢ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ:
Тексеру кезінде дүңгіршек жұмыс істемеді. Нысан басшысының айтуынша, оның қызметі ағымдағы жылдың 26 қыркүйегінен бастап тоқтатылып, жақын арада дүңгіршекті бөлшектеу жоспарлануда. Бұдан басқа, объектінің басшысымен халықтың денсаулығын сақтау саласындағы нормативтік-құқықтық актілерде көзделген санитариялық-эпидемиологиялық нормалар мен талаптарды сақтау мәселелері бойынша түсіндіру жұмыстары жүргізілді.