Шымкентте өрт сөндірушілер өрттен 4 баланы құтқарып қалды, деп хабарлайды Astana TV.
Шымкент қаласы Әл-Фараби ауданында орналасқан көпқабатты тұрғын үйлердің бірінде 5-қабаттағы пәтерде өрт шықты. ТЖД қызметкерлері көрші пәтерлерден қолмен көтеріп баспалдақ маршымен 5 адамды, оның ішінде 4 баланы құтқарды, делінген хабарламада.
Өрт 16 шаршы метр аумақта жедел сөндірілді. Зардап шеккендер жоқ.