«Қазақстан атом электр стансалары» Акционерлік қоғамының бас директоры Тимур Жантикиннің айтуынша, әрбір дауыс шешуші рөл атқарады. Референдумға дейін тұрғындармен жиі кездескен ол халық арасында атом энергиясына қызығушылық білдіретіндер өте көп болды дейді. Сала маманы ретінде АЭС-ке қатысты сұрақтарға жауап берген. Сондықтан бүгінгі маңызды мәселеге әрбір қазақстандықтар бей-жай қарамайды деп біледі.
ТИМУР ЖАНТИКИН, «ҚАЗАҚСТАН АТОМ ЭЛЕКТР СТАНСАЛАРЫ» АҚ БАС ДИРЕКТОРЫ:
Бүгін тарихи күн десе де болады. Мұндай техникалық күрделі жұмысты талап ететін мәселені халық пікірі арқылы шешу қуантарлық жағдай.