Павлодарда жанармай құю станциясында өрт шықты, - деп хабарлайды Massaget.kz.
Бұл туралы Төтенше жағдайлар министрлігі мәлімдеді.
ТЖМ құтқарушылары жанармай құю станция жарылысының алдын алған.
"Павлодардың шығыс өнеркәсіптік аймағында жанармай құю станциясының аумағында сыйымдылығы 3 текше метр жерасты газгольдері жанып, кейін от автожуу ғимаратына ауысқан", - делінген хабарламада.
Өрт 41,5 шаршы метр алаңда сөндірілді. Зардап шеккендер жоқ. Өрттің себебі анықталып жатыр.