Қарағанды облысы және Ұлытау облысы бойынша Қылмыстық-атқару жүйесі департаментінің аға уәкілетті өкілі қамаудағы адамдарды азаптағаны үшін 1 жыл 6 айға сотталды, деп хабарлайды Azattyq Rýhy.
Қарағанды облысының прокуратурасы хабарлағандай, бұл адам Қылмыстық кодекстің 146-бабының 2-бөлігі бойынша кінәлі деп танылған. 1 жыл 6 айға бас бостандығынан айыру жазасынан бөлек оған 3 жыл бойы мемлекеттік қызметте және құқық қорғау органдарында қызмет атқаруға болмайтын болды.
«Сотталушы «әділет капитаны» арнайы атағынан айырылды және ол жәбірленушілерге өтемақы төлеу қорына айыппұл төлейді. Мұндай қылмыстардың алдын алу мақсатында облыс прокуратурасы ҚАЖД қызметкерлері үшін сот процессін тікелей эфирде көрсетеді», - деп хабарлады прокуратура.