Балқашта көпқабатты үйге жапсарлас салынған дәмханада өрт шықты. ТЖМ күштерімен өрт кезінде сегіз адам, оның ішінде үш бала эвакуацияланды, деп хабарлайды Zakon.kz.
Бүгін Балқаштағы Мира көшесінде төрт қабатты тұрғын үйге жапсарлас салынған дәмхананың ас үй бөлмесі отқа оранды.
Оқиға орнына жеткен ТЖМ қызметкерлері мекеменің ас үйінде қуырғышта май жанғанын анықтады. Өрт сөндірушілер алты шаршы метр аумақты шарпыған өртті жедел түрде сөндірді.