Алматы қалалық Өңірлік коммуникациялар қызметінде өткен брифингте полиция департаментінің ресми өкілі Салтанат Әзірбек жол-көлік оқиғаларының статистикасын жариялап, жол қауіпсіздігін арттыруға бағытталған шаралар туралы айтты, деп хабарлайды Azattyq Rýhy.
Оның айтуынша, жыл басынан бері Алматыда 3869 жол-көлік оқиғасы тіркеліп, соның салдарынан 4211 адам зардап шеккен.
Жол-көлік оқиғаларының басты себебі – қаланың көлік кептелісі: бүгінде Алматыда 650 889 көлік тіркелген, ал өңірлерден күніне 550 мыңға дейін көлік мегаполиске кіреді.
Мопедтер мен электроскутерлер сияқты баламалы көлік түрлерінің қатысуымен болатын апаттардың көбеюіне ерекше назар аударылды. Полицияның мәліметі бойынша:
Мопедтердің қатысуымен 743 ЖКО болды, салдарынан 757 адам зардап шекті, 14 адам қайтыс болды.
Электр самокаттарының қатысуымен 103 жазатайым оқиға тіркелді, оның салдарынан 109 адам зардап шекті.
Мотоциклдердің қатысуымен 19 ЖКО тіркеліп, 19 адам зардап шекті, 2 адам қаза тапты.