Ақтөбе облысының диспетчерлік пультіне 7 адамның, оның ішінде 3 баланың жеңіл автокөлікпен Ырғыз ауданының Нұра ауылынан жолға шығып, жоғалғаны туралы хабарлама келіп түсті, - деп хабарлайды Massaget.kz тілшісі ТЖМ-ға сілтеме жасап.
Іздеу жұмыстарының нәтижесінде бұл азаматтар елді мекеннен 30 шақырым қашықтықта батпақты жерде кептеліп қалғаны анықталды. Құтқарушылардың жедел әрекеттерінің арқасында олар қиын жағдайдан шығарылып, үйлеріне аман-есен жеткізілді. Ешкім медициналық көмекке мұқтаж емес.
ТЖМ ауа райының қолайсыздығында жолға шығу қауіпсіз емес екенін еске салады! Өзіңізге және жақындарыңызға қамқорлық жасаңыз!