TAP Portugal әуе компаниясының ұшағы жүк бөліміндегі атжалмандардың қашып кетуіне байланысты төрт күн бойы ұша алмаған. Бұл туралы Stan.kz ақпарат агенттігі Aviacao TV арнасына сілтеме жасап хабарлайды.
Португалиялық әуе компаниясының жолаушылар ұшағы Азор аралындағы үй жануарлары дүкеніне жануарларды тасымалдаған. Ұшақтың жүк бөлімінде атжалмандар, күзендер мен құстар болған. Ұшақтың қонуы кезінде атжалмандар салынған қораптар зақымдалған. Нәтижесінде қораптардағы 132 атжалман қашып кеткен.
TAP әуе компаниясының ұшағы 13 қарашада Лиссабоннан Азор аралындағы Понта Дельгада қаласына ұшып келіп, 17 қарашаға дейін күтуге мәжбүр болған. Понта Делгада әуежайының қызметкерлеріне барлық атжалманды ұстау үшін төрт күн қажет болған.