Instagram басшысы Адам Моссери жсанды интеллект негізінде жұмыс істейтін Movie Gen технологиясын таныстырды. Аталған технология арқылы қолданушылар киімдері мен артқы көріністі өзгерте алады. Бұл туралы Stan.kz ақпарат агенттігі хабарлайды.
Movie Gen технологиясы платформа тұтынушылары үшін сурет не видеоны редакторлау қабілетінсіз-ақ контентін түрлендіруге мүмкіндік береді. Алдын ала ақпаратқа сүйенсек, функция киімді өзгертіп, артқы көріністі, яғни фонды ауыстыра алады. Сондай-ақ киіміңзге акссесуар қоса аласыз. Movie Gen-ді таныстырған Адам Моссери былғары күртесін "ауыстырып", Парижге және қар басқан орманға "барып келген". Оның үстіне Моссери қолын қозғалтқанда жасанды интеллектпен жасалған киімі мен артқы фон еш өзгеріссіз қалған.
Адам Моссеридің жазбасының астында пікір екіге бөлінді. Бірі Movie Gen-ді сынап көру үшін асыға күтетінін жазса, кейбірі мұны хромакеймен салыстырып, мұндай функцияны құптамайтынын жеткізді.