АҚШ
тарапынан қауіп сейілмейінше, Солтүстік Корея атом бағдарламасына қатысты
келіссөздер жүргізбейді. Бүгін ел билігі осындай мәлімдеме жасады. Корея Халық
Демократиялық Республикасы БҰҰ-ның қосымша енгізген санкцияларын айыптады.
Бүгін Пхеньян билігі жаңа шектеулерді талқылады деп хабарлайды жергілікті
ақпарат құралдары.
Айта
кетейік, сенбі күні БҰҰ-ы Қауіпсіздік кеңесінің мүшелері Корея Халықтық
Демократиялық Республикасына қосымша санкция енгізу туралы резолюцияны
бірауыздан мақұлдады. Санкция басқа елдердің Солтүстік Корея жұмысшыларын
жұмысқа алуына шектеу қояды. Сондай-ақ Солтүстік Кореядан темір, қорғасын кені,
көмір, теңіз өнімдерінің экспортына санкция салынбақ. Бұл құжатты дайындаған
АҚШ тарапы, мұндай шектеулерден Солтүстік Корея экспортының үштен бір бөлігі
қысқарады, деп болжайды. Ол шамамен 1 миллиард доллар шығын.