Иран-Ирак
шекарасындағы зілзаладан соң, жер асты дүмпулері Әзірбайжанда сезілді. Елде күші
5 баллдан асатын жер сілкінісі тіркелген. 3-4 баллды құрайтын жер қозғалысы
Арменияда да байқалды. Табиғи апат Оңтүстік Кореяны айналып өтпеген. Күші 4,6
баллдық жер асты дүмпулерінен соң, мектептерде сабақ тоқтады. Абырой болғанда, құрбан болғандар жоқ, 7 адам жарақат алған.
Ал табиғи апаттан бірнеше жүздеген
адамы қырылып, орасан шығынға батқан Иран мен Ираққа гуманитарлық көмек жан-жақтан ағылып жатыр. Түркия мен Ресейден кейін Италия да көмек қолын созған.
Серена Мурони, Ирактағы Италияның елшісі:
Италия үкіметі жағдайға бей-жай қарамады. Гуманитарлық көмек жеткізу мақсатында 3 рейс ұйымдастырды. Бұл шамамен 25 тонна жүк. Алғашқы ұшақтың бортында дәрі-дәрмектер мен таңу құралдары бар. Ертең таңертең тағы екеуі ұшып келеді. Олар мобильді ванна бөлмелері мен медициналық техниканы әкеледі.