Ресейде тағы бір қазақстандық студент қаза тапты. 18 жастағы бозбала
Калининградтағы биік үйлердің бірінен құлап кеткен. Мәйіті 7 ақпан күні
табылды. Болжам бойынша, қаладағы университеттердің бірінде оқитын бірінші курс
студенті оқудан шығып қаламын деген қорқынышпен өзін-өзі өлтірген.
Тергеу
анықтағандай, сол күні дос қызымен сөйлескен жігіт үй төбесінен құлап өлгісі
келетінін айтады. Полицейлер студенттің денесінен зорлық-зомбылық белгісін
таппаған. Сот-медициналық сараптама тағайындалды.
Осы оқиғаға қатысты
"Астана" телеарнасы Қазақстанның Сыртқы істер министрлігіне
хабарласқан. Алайда ведомство өкілі әзірге ақпарат бере алмайтынын айтты.
Әлия ӘШІМ