Еуропалық Одақтың экономикалық қиындықтарды еңсеруіне интеграция көмектеседі. Белгілі
саясаткер Жозе Мануэль Баррозудың пікірі осылай. Еуропалық комиссияның бұрынғы
төрағасы Қазақстанға іссапары аясында бүгін Назарбаев университетінде дәріс
оқыды. «Еуропалық одақ және халықаралық қатынастар»
тақырыбында әңгіме өрбіткен саясаткер, одақтың құрылу тарихына тоқтала кетті. Одақтың қаржылық
дағдарыс сынды қиын кезеңдерді қалай өткергені жайлы айтып, тәжірибесімен
бөлісті. Экс-төраға, Қазақстанның даму қарқынын да жоғары бағалады. Айта кетейік, осы сапар барысында Баррозудың Қазақстан Президенті Нұрсұлтан Назарбаевпен
кездесуі жоспарланған.
Жозе
Мануэль Баррозу, Еуропалық
комиссияның экс-төрағасы, саясаткер:
Мен
кеңеске төрағалық еткен жылдарда Қазақстан мен Еуроодақ арасында орнаған
жақсы қарым-қатынасқа куә болдым. Бүгін сол байланыстың сақталып қана қоймай,
жаңа қарқынмен дамығанын көру мен үшін бақыт. Және бұл қарым-қатынастың
болашағы зор. Мен Қазақстанның дамуы жолында жасалған үлкен қадамды байқадым.
Азамат АЛДОҢҒАРОВ