Екі мыңнан астам босқын Еуротоннель арқылы Ұлыбританияға заңсыз жолмен өтпек
болған. Соңғы екі ай ішінде мұндай әрекет бір емес бірнеше рет қайталанып
отыр.
Бүгінде Францияның Ла Манш көлі жағасында босқындар 10 мыңдай шатыр тігіп
тұрып жатыр. Олар осындай жолмен Еуропаға қоныстануды көксейді. Басым бөлігі - Таяу
Шығыс пен Африка елдерінің азаматтары.
Соңғы уақытта жағдай ушығып кеткен соң, Британия мен Францияның ішкі істер министрліктері күш біріктіруге ниеттенген.
Қазір қос мемлекет қаптаған босқындарды өз отанына қайтаруды бірлесе қолға
алған.
Тереза Мэй, Ұлыбританияның ішкі істер министрі:
Біз босқындарды отанына қайтару үшін бірігіп жұмыс жасаймыз. Бұл басқаларға
да сабақ болады. Еуропаға заңсыз қоныстануға жол жоқ екенін білсін.
Бернар Казнев, Францияның ішкі істер министрі:
Кала аумағындағы шекара күзетін
күшейтпекпіз. Босқындар Францияға аттап баспайтын болады. Оларды өз елдеріне
қайтару үшін, жоспарлы жұмыс жүргіземіз.
Мөлдір БАҚЫТҚЫЗЫ