Бірінші ауыр салмақтағы WBA нұсқасы бойынша чемпион Денис Лебедев пен қазақстандық
Бейбіт Шүменов арасындағы кездесу 21 қараша күні Мәскеуде өтуі мүмкін.
Отандасымыздың Лас-Вегаста американдық боксшы Би Джей Флорестен басым түсуі
оған Лебедевтің белдігін сарапқа салуға мүмкіндік берді. 12 раундқа созылған
жекпе-жекте Шүменов WBA нұсқасының уақытша чемпионы атағын иеленді.
Ал тағы бір қазақстандық былғары қолғап шебері Геннадий Головкин Давид
Ламьемен болатын кездесуінде жанкүйерлеріне үлкен шоу дайындауды жоспарлады.
IBF чемпионымен белдіктер бірігетін кездесу 17 қазанда әйгілі Madison
Square Garden-де өтеді. Ол HBO арнасының ақылы көрсетілімі бойынша әлемге
тарайды. Жекпе-жекті отандастарымыз жергілікті арнадан да көре алады.
Отандық спорттың айтулы шарасы бүгін Финляндия астанасы Хельсинки қаласында
өтеді. Елордалық «Астана» футбол командасы жергілікті Хик-пен Чемпиондар
лигасының үшінші іріктеу кезеңінде бақ сынасады. Букмекерлер қос команданың
мүмкіндігін тең бағалап, болмашы басымдықты алаң иелеріне беріп отыр. «Астана»
бұған дейін іріктеу жарысында словениялық «Мариборды» ығыстырды. Кездесу Астана
уақыты бойынша 22:00-де басталады.
Ал ертең Еуропа лигасында Алматылық «Қайрат» өз алаңында шотландтық «Абердинді» қабылдайды.
«Атлектико» қорғаушысы Гильермо
Сикейро итальяндық «Ювентусте» Патрис Эвраамен тең жалақы алатын болды. Бірнеше
күнге созылған келіссөздерден кейін сейсенбі күні тараптар жылына 2,5 млн еуро
жалақыға тоқтаған. Келісімшарттың қандай мерзімге жасалғаны белгісіз. Алайда
Football Italia жуырда туриндік ұжым бразилиялық легионерді бір жылға жалдап,
келесі жылы келісімшартты мақтағанда 10 млн еуроға жалғастырады деген болжам
жасады. Серхио Рамос «Реалда» қалу бойынша келіссөздерді жандандырды.
Ағылшындық «МЮ» Реал капитанынан біржолата күдер үзгенге ұқсайды. «АВС-дің»
мәліметінше, Рамос Реалмен 9 млн еуро жалақымен 5 жылға келісім жасаспақ. Бұған
дейін қорғаушы жылына 10 млн еуро талап етіп, команда басшылығымен сөзге келіп
қалған-ды. Ал Артуро Видаль ресми түрде «Бавария» жейдесін киіп, 23-інші
нөмірді таңдады. Бүгін команда баспасөз жиынын өткізіп, чилилік ойыншысын
таныстырды. Трансфер «Баварияға» 42 млн еуроға түсті. 37 млн командаға көшу
үшін және 3 млн бонус есебінде төленді. Келісімшарт 4 жылға жасалды.
Азамат АЛДОҢҒАРОВ