Футболдан
Чемпиондар лигасының плей-офф кезеңінде өнер көрсетіп жатқан «Астана» командасы
алғашқы сыннан сүрінбей өтті.
«Астана-Арена» стадионында Кипр чемпионы
«Апоэл» клубын қабылдаған Станимир Стойловтың шәкірттері 1-0 есебімен жеңіске
жетті. Бұл ойындағы жеңіс голын алаң иелері бірінші таймның 14-ші минутында
соқты. Әріптесінің әуелеп көтерген пасына бірінші жеткен Бауыржан Джолчиев кездесуді
тамашалауға келген 30 мың жанкүйерді дүр сілкіндірді.
Қарымта шабуылға шыққан
қонақтар есепті теңестіру үшін барын салды. Бірақ бұл ойында қорғанысы сыр
бермеген «Астана» футболшылары жеңіс есебін ұстап қалды. Екі команда арасындағы
қарымта ойын 26 тамыз күні Кипрде өтеді.
Самат ҚАНАҒАТОВ